利寶閣 (銅鑼灣)

點心都有得任食唔嬲？原來銅鑼灣「利寶閣」 早就推出午市點心放題，每位HK$168。 價錢合理，算幾抵食，呢到除左點心任點， 仲有每位放題食客餐廳都會附送原隻飽魚酥 同埋花膠灌湯餃。利寶閣出品主打健康 絕不加味精同人造色素，並保留傳統元素。 點心都係即叫即整，鍾意港式風味既朋友 一定唔可以錯過呀！👇 - 📌午市點心放題 - $168 (週六,日) ▪ 花膠灌湯餃 ▫ 作為打頭陣一定係有返咁上下份量啦！ 呢個灌湯餃咬落好軟腍幼滑，湯底夠濃而清甜 唔覺味精味好重，皮薄但會好易爛，餡料比都足。 質素唔錯！ - ▪ 原隻飽魚酥 ▫ 你地無睇錯呀！的確係原隻大大舊鮑魚 放係酥皮上面，完全搶哂鏡。成個鮑魚酥做到 好精緻，鮑魚入味好有咬口，酥皮金黃鬆脆。 估唔到中式放題都有鮑魚食，正！ - ▪ 黯然銷魂叉燒飯 ▫ 簡單但功夫唔惹少既一道菜，雖然話係放題， 但呢到都整得不過不失。煎蛋火喉岩岩好， 做到蛋白相當幼滑，流心蛋黃爆哂蛋汁出黎， 撈飯一流。叉燒雖然瘦左少少，但襯返蜜汁， 食落都唔錯。 - ▪ 鵪鶉蛋燒賣 ▫ 輪到鵪鶉蛋燒賣絕對值得一試，外表晶瑩剔透， 完係睇到裡面既鵪鶉蛋。味道方面唔錯，蛋味濃郁， 豬肉亦印足料，唔會好重梳打粉味。 - ▪ 晶瑩鮮蝦餃 ▫ 成日去飲茶蝦餃一定係必點之選， 名乎其實皮薄餡靚，餃皮咬開皮肉唔會分離 得太誇張，而且Size絕對夠大粒，蝦仁爽口彈牙。 - ▪ 蘿蔔金錢肚 ▫ 牛肚炆得好入味，整體份量十足， 唔會好孤寒得幾舊。醬汁唔辣，相當惹味。 大量蘿蔔係底，索哂整碗精華，食落相當滿足。 - ▪ 荔茸蜂巢帶子 ▫ 放題都有特色點心一定要大讚！ 賣相真係成個蜂巢咁，餡料亦都唔差， 原隻帶子食落好爽口有咬勁，表面酥皮香口鬆脆！ - ▪ 楊枝甘露 ▫ 一般酒樓出品既楊枝甘露都係跟足傳統做法， 將新鮮芒果打成濃濃既奶露，再加埋西米、芒果粒、 葡萄柚肉，整個組合做到質感香滑，甜而不膩！ 難得放題有得任食，唔理佢有幾肥啦！ 一人四碗都唔在乎呀！

日式放題就食得多，反而好少食中式粵菜放題🥟 . 2小時既晚市放題，每人包1份花膠響螺雞湯💛，原隻鮑魚花菇，奄仔蟹🦀，另外有50幾款既中菜即叫即做，有煎炸炒煮炆浸烤等煮法，花多眼亂😍😍，有點心、小菜、甜品，仲有片皮鴨任食，質素一啲都唔差😆 . 爆膏奄仔蟹有3款做法🥺，清蒸/雞油花雕蒸/油鹽焗，我揀左油鹽焗，奄仔蟹細細隻但爆晒膏，咸咸香香🥰🥰花膠響螺雞湯好清甜，而且好足料，有勁大塊既花膠，厚身滋補😆原隻鮑魚花菇用左蠔油炆，鮑魚彈牙都幾入口👍🏻 . 簡單介紹其他野食🤣🤣#八味茄子，金黃香脆，細細粒又咸咸地😋😋乳鴿任食真係好正，肉質香嫩唔會好肥😏，燒腩仔好夠脆，香辣蒜香蝦好惹味，我幾中意個豉油皇炒麵，夠鑊氣，馬拉糕好軟熟💕💕 . 仲食左海鮮卷、雞翼、叉燒、醉蝦、流心蛋、咕嚕肉、楊枝甘露、芒果布甸、紅棗糕😂😂😂😂樣樣都唔錯，每樣食少少過下口癮👍🏻💛

在銅鑼灣，這類廣東點心酒家比比皆是，這家屬一般中價選擇，合桃叉燒酥，炸雲吞也造得不過不失。其他也是一般點心菜式。 #9月活動