一早就聽過永年呢個名，傳說喺元朗中最好食嘅車仔麵，咁遠水路，無啦啦點會去，不過銅鑼灣而家都有啦！
三餸車仔麵 ($43)
車仔麵嘅經典，點少得豬紅蘿蔔！
豬紅要做得冇腥味，要洗要針要炒，工序都唔少，呢度嘅豬紅不單止冇腥味，仲彈滑軟淋，識食一定要食豬紅！蘿蔔都炆得好入味，夠淋，而且食落去冇渣，湯底夠濃，好食！
第三樣餸我揀咗流心蛋，或者蛋白加埋流心嘅蛋黃，識食就要成隻蛋一啖食，一咬落去爆d蛋黃汁出嚟嘅快感😏yummmmm~😋 .
紅豆奶茶冰 (跟餐+$15)
紅豆冰就飲得多，不過配奶茶就真係未試過，紅豆沙沙的，唔係就咁放紅豆入去，呢個要讚！加埋香滑嘅奶茶，味道好特別！不過個人來講呢都係鍾意飲返傳統嘅唔夠冰多啲😋
鮮油多士 ($16)
多士烘底真係無得輸，熱辣辣嘅多士加埋凍冰冰嘅牛油，超級邪惡！要趁熱食啊，凍左就唔好食！
