客家咸豬肉茶麵套餐(茶麵是鐵觀音茶麵)
麵其實無咩茶味，亦無咬口，得好少麵，咸肉有黑椒圍邊，幾爽口，有6片算多，湯底有點味精，黑椒加持下有暖胃既感覺!唔知有半隻蛋下嗌多左一甩鹵蛋!
套餐包小食及甜品，應該每日既小食同甜品都唔同，今日係雞翅一只同一大碗我最怕既"杏仁茶"，好彩杏仁味唔算強烈，不過碗大羹細，食一啖漏2滴咁食到聽朝!
飲品:熊貓奶茶(其實我嗌熊貓鮮奶茶，唔知有無入錯單)，偏重奶味，黑珠算煙韌白珠細細粒有咬口!
不提供即棄餐具咁飲管及膠杯唔算餐具?定可能堂食都會懶細心預你拎走?聽到飲管佢話用PLA飲管(粟米纖維，環保嘢)，咁你外賣都可以提供PLA餐具者，利申，我唔係環保撚，不過覺得而家啲食肆借環保之意想抽下油水者!
#2019情人節
