十里洋場

十里洋場 商務午市套餐$398/1位，由於是會員有買一送一。 點心三拼（金牌小籠包，螞蟻上樹春卷、蒸素菜餃） 小籠包皮薄餡靚，充滿湯汁，味道鮮美；螞蟻上樹春卷炸得又乾身，香口惹味；素菜餃子皮很軟身，味道素雅不油膩。 蟹肉冬蓉羹。 這湯羹真係正！冬蓉羹口感香滑，稠厚度剛剛好，味道鮮美，啖啖蟹肉鮮味，正！ 清炒江蘇河蝦仁 這蝦仁份量十足，炒得十分爽口彈牙，加上浙醋，味道唔單寡。 獅子頭 濃油赤醬，獅子頭口感軟滑，沒有太多肥膏，惹味香滑，配上冬茹和筍片，送飯一流。 十景楊州炒飯 這楊州炒飯真材實料，啖啖有蝦肉旦絲，飯粒粒粒分明，完全夠味也不油膩，正！ 夠薑芝麻湯圓 這湯圓真香滑，湯圓皮很薄，芝麻餡味道香蓤，滿滿芝麻味，加上輕甜的薑水，驅寒又味美。 這一天午餐買一送一，正！

今日食客唔係太多，餐廳沒有很嘈吵，感覺舒適。 百味珍饈海鮮宴$998,會員二人同行，－人免費。 准揚三寶 雞絲粉皮、花螺、海蝦。 雞絲粉皮實在太鹹；花螺相當入味，口感清爽，仲有酒香；海蝦大大隻有少少滷水嘅味道，蝦肉爽彈，感覺新鮮。 海參蟹肉迷你冬瓜盅 冬瓜盅10分迷你，有少少海鮮，由於份量相當迷你，所以湯水唔多，感覺唔到海參同埋蟹肉，但味道鮮味。 滬式醬油年糕龍躉球 呢道菜非常唔錯，完全係濃油赤醬，年糕入味，煙靭彈牙，越吃越有味，加上爽口嘅龍躉球，再配上蔥段，味道唔錯，惹味可口。 椒香脆皮乳鴿 呢隻乳鴿係BB 鴿，幾迷你，乳鴿嘅皮又薄又脆，但乳鴿嘅肉唔多，但配上椒麻香，味道幾特別，而且味道更香。 無錫橙香牛肋肉 這牛肋肉啖啖肉，完全係無錫骨嘅無骨版，味道是甜醬油香味，口感軟滑，送飯一流。 鮑魚雞粒燴飯 呢個鮑汁燴飯有一隻迷你鮑魚，口感軟滑，而且燴飯口感濕潤，加上味道香濃嘅鮑魚汁，幾好食。 珍酒紅豆桂花糕 呢個紅豆桂花糕，我就食唔到紅豆同桂花味，但有啲似甜甜地嘅糯米糕，味道都唔錯嘅。