早排係網上好多人推介呢間係尖沙咀的魚生丼專賣店，由於餐廳主要做魚生飯，除了款式多外，魚生更非常新鮮。入座後職員就比左麵豉湯及酸蘿蔔的前菜及餐牌我們。
大家可以隨大家的口味選3款剌身做丼飯，除左有平常見到的三文魚、甜蝦、赤身呑拿魚外，仲可以揀中/大拖羅、松葉蟹鉗、甚至北海道馬糞海膽！最平的配撘就係三文魚+香葱呑拿魚蓉+北寄貝，$138咋！
不過最近餐廳做緊新開張優惠，晚上6點前離席，丼飯一律半價！就算大家6點後先離席，丼飯都有6折優惠。不過優惠只限食一個鐘，所以想同朋友一邊傾一邊慢慢食的就未必有呢個優惠了。做緊優惠當然唔洗叫上面個個最平精選啦，我就叫左一份4色呑拿魚丼飯，6折後就$200有找。4色呑拿魚大拖羅、赤身、魚排及香葱魚蓉。當然最正一定係油脂較豐富的大拖羅啦！四款呑拿魚都夠新鮮，加上厚切的份量，令到整體更有口感。
鮨丼自信作雙層丼飯非常豐富，6折後都唔洗200蚊，非常抵食！分開兩層的丼飯，右邊係滿滿的切角魚生飯，當中除了有三文魚、赤身呑拿魚、三文魚子外，更有蟹肉、甜蝦、玉子及青瓜粒。左邊的刺身盒都有驚喜，餐廳利用時令的貝類去製作。今次就有帆立貝、鮑魚及北寄貝。帆立貝、北極貝夠鮮甜，鮑魚size唔小，口感彈牙。
食完之後，職員仲拎左兩個大福比我們，個皮有D厚，不過都幾煙韌。
#8月活動
