Restaurant week第2擊，想試呢間嘢好耐，話晒由3星廚魔主理，而居然餐廳週有，咁當然邀請鴨怪一齊試菜!
叫完嘢條友同我地講隻鴨要等1粒至粒半鐘，黑面怪已經好串話你未收鋪我地就等架喇，佢應該未試過有人咁覆，嚇到我地嗌咩都唔記得!(可能惡真係有用，其實我地坐底時隔離2枱已經食緊等碟鴨，反而我地隻鴨係最先黎😎，亦可能聽到我話唱衰佢，但我地覺得唔make sense，餐廳週既booking一早有，餐牌亦set好，呢晚亦都唔full，咁點解要整咁耐，anyway，最後好似唔使1粒鐘隻鴨就到左既!)
脆鴨皮配煙燻溏心鴨蛋，為搞而搞，2樣嘢其實唔多夾，鴨皮係香脆而蛋好有煙燻味，但一啲都唔溏心，餐牌價$98(留意返係一隻蛋開二價)!
鴨絲酸辣湯，又係2樣唔喇肺既嘢搞埋一堆，湯偏酸，餐牌價$60碗!
海鮮鴨湯泡飯，海乜鬼鮮，其實得蝦仁，餐牌價$168!
北京烤鴨半隻，皮好脆又片晒啲肥膏，唔錯，但就唔係羲和古琴雅苑既酥脆feel，但個人比較鍾意鴨大哥既皮，無咁油膩感，餐牌價半隻$228!
雖然係主要食鴨，都唔係話啲嘢狂加鴨絲就係好既，好在啲鴨絲夠大條囉!
另外其實散叫呢到都係$614，但而家套餐價都要比$596，太取巧，反感!
食過MIC kitchen同呢間之後，呢位廚師既系列唔impress我，咁Bo Innovation應該唔使試🤔
#hkfoodie #gfoodetour #restaurantweek2018 #9月活動
