之前食過吉列牛覺得唔錯，今次就再同朋友嚟食，順便試吓上次冇食到嘅忌廉烏冬☺️☺️
.
咖喱忌廉烏冬 $78
有牛肉同雞肉揀，我地揀左食雞肉😆😆成碗麵白雪雪，烏冬比厚厚既忌廉包住，忌廉比想像中稀，唔會好膩，撈勻之後，每條烏冬都掛起啲醬汁，唔算好重咖喱味，但口感好creamy👍🏻👍🏻
.
吉列牛定食 $148
定食有吉列牛、配菜、飯同味噌湯，吉列牛已經預先炸好，可以自己係鐵板上煎一煎，吉列牛外脆內軟，唔想食咁熟既話，燒一陣就得，牛味都幾香濃，但我覺得口感就有小小靱～仲有啲醬可以點，食落就冇咁油同開胃啲～☺️☺️
.
咸蛋黃薯條 $38
薯條一上枱已經好香咸蛋味，新鮮熱辣辣，仲好香脆，食完一條又一條，不錯😆😆😆
