Bellevue Bar and Grill

「堅持學單純的小孩，靜靜看守這份愛。」 每個人係起跑線努力奔前既同時，我反而 只係想做返個平平無奇既細路，每一日過住d 唔洗用腦既日子；人地叫我做咩就做咩， 唔需要分辦是非，唔洗理對與錯；食完就訓， 訓完就食，大個左先發現呢種生活係非常奢侈。 既然幸福唔係必然，今次二訪「Bellevue Bar and Grill」為我個胃爭取眼前既食福！👇 - 📌Bellevue · Brunch Set - ♦️S t a r t e r s - ▪ Soup of the Day · Daily Dessert - $28 ▫ 前菜只係需要$28就有齊是日餐湯、甜品， 呢個「蕃茄·忌廉湯」湯身同平時果D餐湯好唔同， 飲得出係真材實料既蕃茄熬成，而唔係用普通 現成茄膏，相當有誠意。而飲落味道清甜， 質感順滑，加上有法式麵包粒既配搭，口感十足； 而甜品亦唔錯，「布朗尼·蛋糕」面頭既 白朱古力塊，甜度適中，質感鬆脆裡面 又夠濕潤，加埋旁邊既藍莓、士多啤梨， 口感層次豐富！ - ▪ Greek · Salad - $30 ▫ 比較少有充滿希臘神話既「希臘·沙律」 成個賣相綠柔柔，好吸晴；最鍾意佢地個 羊奶芝士，食落鹹鮮味十足，帶少少羶味， 好好食；仲有大量橄欖、車厘茄，健康又好味！ - ▪ Slow-Cooked Octopus · Greenhouse Cucumber · Balsamic - $38 ▫ 第三個前菜試埋「慢煮八爪魚·溫室青瓜· 黑醋汁」，八爪魚經過慢煮，肉質保持爽彈， 唔會太淋身，口感爽彈；配搭青瓜片 同埋黑醋汁，清新感即刻返哂黎。 - 📌Main Course - ▪ Pan-Seared Sea Bream Fillet · Capers Tomato Sauce - $158 ▫ 主菜我點左「香煎鯛魚柳·水瓜柳·蕃茄汁」， 鯛魚表面煎到相當香脆，外皮食落好脆口， 裡面魚肉唔鬆散；配上口感滑溜既水瓜柳 同埋蕃茄汁，份外惹味。 - ▪ Grilled New Zealand Lamb Chops · Gravy Sauce - $228 ▫ 仲有我最愛既「炭燒新西蘭羊扒·燒汁」， 羊扒點左5成熟，口感就岩岩好啦；調味適中， 食落唔會太鹹，幾到位；羊肉夠軟滑入味， 又唔會太重羶味，連埋燒汁一齊食，無得輸！ - 📎 Bellevue Bar and Grill 📍旺角彌敦道558-560號譽發廣場23樓

#cassiegomk - 通常啲週年紀念或者生日飯，大家都會想揀一間有情調有景觀嘅餐廳。今次為大家介紹下依間旺角嘅Bellevue Bar and Grill，係一間主打西餐嘅扒房餐廳，擁有九龍區的城市美景，能看到九龍郡山，也能看到繁忙的街道，裝修兼備酒吧風和高級餐廳風，是男女朋友約會的好地方。 🍻 - Bellevue Bar and Grill設 於23樓，地方非常闊落，是旺角區少有餐廳之一。瘦編其實之前有黎過食晚餐，所以今次黎食午餐，順便睇下中午個view。係依間餐廳食野好relax，佢會等你食完先上菜，好有平時係外國餐廳食飯嘅感覺，同朋友黎Chill下傾下計，好舒服。👍🏿 - 假日嘅早午餐前菜有餐湯加甜品、慢煮雞胸肉什菜沙律同三文魚他他揀。我最鐘意個三文魚他他，個味道好開胃。主菜我同朋友揀左野菌波菜燴意大利飯伴火腿($98)同炭燒安格斯西冷扒伴香草牛油($218)。野菌味十分香郁，非常新鮮有咬口。個意大利飯軟稔中帶點煙韌，飯嘅乾濕恰到好處，吸收所有材料的味道精華，非常好吃。另外個美國安格斯西冷牛扒嘅完美脂肪比例真係好正，比起肉眼脂肪會較少，不會太肥膩，幼嫩中帶少許咬口，7成熟岩岩好，牛肉味道香濃。😋 - 味道評分▶️🌕🌕🌕🌕🌗 (4.5) 抵食評分▶️🌕🌕🌕🌕🌗 (4.5) 回購評分▶️🌕🌕🌕🌕🌗 (4.5) - ➡️ Bellevue Bar and Grill (旺角) 📍 旺角彌敦道558-560號譽發廣場23樓 - IG: @cassiecwy/ @cassiegetfat FB: @cassiegotravel -

「黑色的墨，染上安詳。」我記得我小學雞果陣 係好怕黑，就算自己一間房我都唔敢，一定要有人 陪我先訓得到，就算開住燈我都好驚。但人大左就 發現原來恐懼呢樣野係無形，就好似畏高咁， 當你企係20層樓上面望落去，你都會腳軟一樣。 不過要你坐係20層樓高既餐廳一邊食野一邊望住景， 你又會發覺有D咩好驚？今晚就黎到呢間係 旺角鬧市中23樓既扒房「Bellevue Bar and Grill」， 飽覽180度成個九龍景色、成條彌敦道， 所有煩囂自然一掃而空啦！👇 - 📌S T A R T E R S - ♦Traditional Caesar Salad - $118 ▪ 24 Month Parma Ham Topping - (+$40) ▫ 簡單一個「凱撒沙律 · 24個月帕爾馬火腿」 開下胃先，餐廳用上既沙律菜非常新鮮，食落爽 脆清甜，水份好足。加上一塊塊薄身既芝士片， 芝香味濃郁，配搭烘乾既法包粒，增強口感； 另一重點加左$40有三大塊以玫瑰圖案砌成既 帕爾馬火腿，色澤粉嫩光澤，入口鹹香唔油膩， 香味唔會停留於表面，而且口感腍身，整體唔錯。 - ▪ Grilled Sea Scallops w/ Roasted Herbed Asparagus - $188 ▫ 另一前菜有我最愛既「扒帶子 · 烤香草露筍」， 不得不讚係佢地既擺盤好有心思，三大粒帶子擺係 你面前，試問邊個抵受得住誘惑？大廚將帶子兩邊 煎香至微焦， 裡面仲保持到粉嫩既顏色， 入口嫩滑軟腍，真係無得輸；加埋底下既露筍， 清新爽甜，層次相當豐富。 - 📌S O U P S- ▪ Lobster Bisque w/ Seafood & Bacon Wonton - $138 ▫ 兩個湯我最鍾意呢個「龍蝦濃湯 · 煙肉海鮮雲吞」， 由Staff直接幫我地倒湯，成個過程好Grand。 龍蝦湯入口濃郁，唔會過鹹，調味恰到好處； 配上雲吞即叫即炸，口感鬆脆不得只， 令成個濃郁層次更加豐富，份外惹味。 - ▪ American Crab Meat Chowder w/ Avocado Cream - $118 ▫ 另一招牌「美式蟹肉周打濃湯 · 牛油果忌廉」， 雪白既賣相睇落毫無違和感，而湯底質感夠濃稠 Creamy，唔會太稀身。入口香滑飽滿，加左蟹肉， 鮮味即刻提升唔少，混合埋牛油果忌廉， 感覺清新，幾特別。 - 📌M A I N S - ▪ Grilled King Prawns - $238 (2pieces) ▫ 兩大隻King size既「烤大蝦皇」就夠哂睇頭啦， 金黃色既蝦身非常吸引，食落肉質結實彈牙夠新鮮， 所以蝦肉仲帶少少爽脆鮮甜。大廚煮既時間處理 得岩岩好，烤到表面乾身但裡面仲好多肉汁， 絕對食得過！ - 📌D R Y · A G E R · S E L E C T I O N S - ▪ Grilled U.S. Prime Angus Rib Eye - $480 (10oz) ▫ 餐廳最亮點莫過於呢塊「美國特級安格斯熟成 肉眼扒」，餐廳以乾成熟成牛扒而聞名，佢地有一大個 冷藏櫃放置牛扒，而一般平均會放置於三十日內處理， 而乾式熟成既最大好處係可以將牛肉本身多餘既 水份蒸發，令肉味更加濃郁。今次呢塊肉眼肉質軟腍 無筋，上碟大概已經五成熟，切開裡面仲保持到粉嫩。 大廚將兩邊煎香，表面形成好均勻既Grilled Mark 食落油香十足，肉味相對真係特別出眾， 呢個一定要試！ - 📌D E S S E R T - ▪ Bellevue Sweet Surprise - $98 ▫ 驚喜一浪接一浪，呢個「Bellevue驚喜甜品拼盤」 包括有芝士蛋糕、布朗尼蛋糕、慕斯蛋糕，最重點 就係中間呢個半球形既士多啤梨朱古力心太軟。 Staff會等你影哂相之後用火槍燒最外層，就會見到 裡面既餡料，而每次餡料都會唔同，所以就會有驚喜 咁解。而今次裡面係柚子味既雪芭，食落有出面 濃濃既朱古力味，而裡面就有融化左帶焦香味既雪芭， 加埋柚子成件事更加refreshing。連埋其他蛋糕仔， 以呢個價錢食到呢份驚喜，認真超值！ - 📌C O C K T A I L S - ▪ Blue Hawaii - $88 ▫ 係酒吧唔整返兩三杯酒點夠癮呀，呢杯用左冧酒、 馬利寶朗姆酒、古拉索酒、菠蘿汁同埋新鮮菠蘿 做裝飾既Cocktail。入口淡淡酒香，唔算太濃烈， 反而甜度好突出，飲到椰子香，幾有新鮮感。 - ▪ Pink Lady - $88 ▫ 另一杯好有少女心既Cocktail，用琴酒做基底， 再將玫瑰糖漿、生雞蛋、石榴汁Shake勻，再係表面 磨碎少少檸檬皮同用新鮮檸檬做裝飾。成個感覺 打卡一流，入口甜甜地，帶少少檸檬香， 女仕們既恩物呀。 - 📍 Bellevue Bar and Grill 🎈旺角彌敦道558-560號譽發廣場23樓