洲際酒店去年3月新開嘅餐廳，係法國米芝蓮大廚Alain Ducasse旗下嘅餐廳👨🏻🍳，以海洋為主題，餐廳由佈置到餐具都走簡約海洋風🌊🐚 有別於一般Fine dining，呢度感覺比較casual。餐廳飽覽維港景色🌃，望住呢個景食飯真係好開心❤️
嚟呢度當然要食海鮮，呢度嘅海鮮都由法國Brittany空運到港，呢款供2位用嘅海鮮拼盤真係超級豐富😍 有四款生蠔共12隻、麵包蟹、小龍蝦、粉紅蝦、小蝦、花蛤 、蛤蜊、翡翠螺、海螺，我哋四個人share都好足夠，仲包450毫升白酒去配海鮮🥂
雖然呢度出名食海鮮🦀，但都有照顧到喜歡食肉或者唔食魚嘅人(即係我)嘅需要😚。主菜方面除咗有魚同其他海鮮，另外有呢款野鴨配牛肝菌🦆 (Wild duckling and ceps) 同香焗酥皮頂級牛柳🐄(Beef chateaubriand in brioche) 選擇。
野鴨胸肉質又嫩又香😋切開中間呈粉紅色，外皮富彈性帶微脆，上枱後會淋上牛肝菌汁，味道非常香濃，同鴨胸味道相輔相成👍🏻 呢道菜式另配蒸鴨肉包子兩個，可謂中法特色融合。
去到晚餐嘅尾聲又點少得一個美味嘅甜品😋 雖然已經食到好飽，但呢度嘅signature甜品Mr Rech (Hazelnut icecream & chocolate sauce)真係好好食😍😍 自家製嘅榛子雪糕香滑不太甜，旁邊沾滿香口嘅榛子碎，上下均夾上蛋白脆餅，食起上嚟唔會淨係得雪糕咁單調，最後淋上微暖濃滑嘅朱古力醬，讓人不住一口接一口食哂成份甜品❤️
agnes.the.foodie
