agnes.the.foodie

台灣過江龍麻神麻辣火鍋🍲🌶 前兩日約咗一大班朋友，你呢度食開年飯。一坐低睇到菜單真係有啲嚇親，因為呢度嘅湯底唔係續鍋計，而係人頭計，所以基本上如果多人，一坐低已經成＄1000落樓啦！
因為湯底咁貴，所以我哋叫火鍋配料嘅時候都就住就住叫，唔算叫得好多嘢食。食完第一輪，即刻不斷encore ,因為又真係好好食喎。
鴛鴦鍋底有麻辣同埋普通清湯，馬辣湯底辣喺口唔辣喺喉嚨，辣到其實亦唔高，佢聲稱係用水果去烹調嘅，所以味精感唔重。清湯就係昆布堅魚湯，味道真係幾淡，我就唔係好啱啦，不過有同行朋友唔食辣，所以我哋都係叫咗呢個鴛鴦湯底。
火鍋配料方面，雜錦丸拼盤，菜拼盤、餃拼盤呢啲都非常一般，最有驚喜係響鈴、鴨血果凍，同埋牛肉。馬勒湯底本身每人有一件鴨血，如果想再食，就要再俾錢加了，相比其他傳統台式麻辣火鍋店，人哋係免費任加架！不過真係好好食，所以唯有俾錢。另外我哋叫咗烏冬，索價＄62個，叫兩個已經120幾蚊，超級貴哦！
整體來說味道其實係好食，但部份收費令人側目。