味增赤丸拉麵湯頭用上秘製味噌同豚骨湯底🍜 叉燒厚身經炙燒過都幾香，混入香葱肉碎頗惹味，麵條係粗身嘅都唔算淋得太快。最特別係而家有三款唔同嘅拉麵配料，加入湯底令到拉麵味道即刻唔同咗，今次我揀嘅係謎玉，外表晶瑩剔透非常Q彈😍，裏面仲有以紅蘿蔔製成嘅星星，其實佢係蔬菜湯，放落湯度就會自動溶化，令到湯底更加濃郁。
而家仲有三款由鹿兒島入口嘅雞蛋料理🇯🇵，包括有白丸風茶碗蒸、赤丸風茶碗蒸、同埋濃厚玉子叉燒角包。茶碗蒸嫩滑，又富蛋香🥚，加入豚骨湯同叉燒粒製作，味道十足一碗小拉麵！
agnes.the.foodie
