要喺尖沙咀搵間平靚正嘅粉面店確實唔容易。呢間經朋友介紹嘅雞記潮州粉麵店，值得一來再來。
這間店地方細小兼狹窄，坐得唔係好舒服，所以食完都會立即鬆人。最出色係炸物，如炸紫菜墨魚丸，炸魚片頭同埋生煎墨魚餅。
我多數會點我的至愛炸紫菜墨丸，非常彈口，外脆內軟，仲有一粒粒嘅墨魚肉，加埋紫菜個味好突出。
再配佢地嘅黑豉油撈粗，唔油膩加少少甜，冇鹼水味，撈起食真係好正。撈粗會配一碗湯，不過我覺得還是不要喝，好重味精味。
牛腩麵，不過不失，瘦得嚟冇乜肥膏，煮得幾腍。
唔知係咪因為位於尖沙咀區而有很多遊客嚟幫襯過，餐牌除咗有中文之外，還有英文和日文嘅翻譯。
