有朋友係美國返香港，於是我們係Openrice Search下中環有咩好中餐... 見到M88有間新派的川菜，見個環境幾有Feel就決定試試。同職員傾下計發現餐廳係以創辦人婆婆的出生年份1935來命名，並將婆婆的食譜為核心，將好食又無味精的川菜帶比大家。 餐廳以舊式火車卡為設計，由出電梯口起已經見到不同的精緻裝飾。於有格調的環境下進餐，增加了不少「味道」。
由於天氣開始炎熱，先叫兩杯飲品解解渴。左邊呢杯係1935Beer，係餐廳的Signature Mocktail。用了雲尼拿、Cream及焦糖入Ginger Beer，飲落有D似Harry Potter杯忌廉啤酒。右邊個杯係我叫的Gragon Gossip，加入了綠茶、Cream、Lime、Melon Seed及蛋白，甜甜的味道好岩我~
現池灌鴨的鴨肉非常嫩口，而且好貼心地去埋骨，最啱我呢啲想食好嘢又懶嘅人。
白酥軟枕煎得非常香口，重點係腐皮層次分明，口感特別好。另外，餐廳會提供辣醬油，點左醬油後，味道更香。
夫妻肺片係牛展牛肚配四川辣汁，味道唔會太辣，牛展牛肚切得夠薄身。
先炸香的雞塊，再同辣椒、醬油等配料一齊炒，就成為又香又辣的大千雞！雞肉唔會太鞋口，味道GoodGood。
最近潮流興食咸蛋東東，黃金香脆軟殼蟹係必叫的菜式！整碟有6大塊軟殼蟹，每件都鋪滿厚厚的咸蛋黃，雖然2個人食有D滯，不過味道又真係幾好食！
到左甜品了，先叫左兩杯雪糕...... 一杯係中國白酒辣朱古力雪糕、另一杯係花雕話梅雪糕。辣朱古力已經唔係到處都有，辣朱古力+中國白酒加入雪糕真係第一次見！呢杯雪糕的味道層次做得非常好！一食會有朱古力的味道，之後會滲出淡淡的酒味，吞左之後先會有陣陣的辣味係喉嚨到。
另外，花雕話梅雪糕，你係話梅粉絲先好試，因為呢球雪糕的話梅味超級重！但身為話梅粉絲的我就非常鍾意呢個味道！
最後，我們再叫左一份朋友好耐無食的豆沙窩餅。唔係太甜的紅豆餡恰到好處。期待將推出的綠茶口味。
