農曆正月同朋友飯局，當然係去食中國菜襯番個過年氣氛。呢度嘅設計裝潢非常特色，古色古香。七個人點左12個菜，有點誇張吧。每碟菜式份量唔算細，價格合理。
最正係北京片皮鴨，鴨肉嫩滑唔太肥膩，薄餅唔厚身，所以食落唔會成口粉。涼拌白菜心，既簡單又開胃。大良焼肉餅好多餡料，但外面既包包就非常乾和硬身，有點失色。
鬼佬朋友點咗個午門面青，原來係豬頸肉炒炸山芋。香脆可口既炸山芋配上咸咸地又甜甜地既醬汁，有啲似齋燒鵝好好味。
本來係鐵板羊肉，但朋友唔食羊，所以改左牛肉，熱辣辣送上枱，聞到勁香，牛肉唔靭。糖醋魚片，酸甜適中。
最後甜品時間，拔絲士多啤梨個拔絲整得好靚，影相打卡一流，但可能放耐咗，糖衣過硬有啲戒口。豆沙鍋餅同出邊一般嘅有啲唔同，個餅皮好硬又乾，豆沙唔滑，我都係鍾意傳統果種。
#eatigoHK
