雖然依家華嫂開到周圍都係咁
仲成為咗大陸遊客必食嘅港式餐廳
都無損我對佢嘅喜愛
不過最喜愛嘅，都係元祖店——天水圍店
雖然偏僻到要揸車入去，仲有機會無車位
仲要排隊
而且仲有唔知哪𥚃來嘅陸客坐到成店都係
所以我都係癮起，先知會咁神心入去食
今次完全唔係想評食物
而係想讚侍應們嘅細心
因為我平時好努力去避免用一次性嘅膠飲管
所以叫凍飲前都會講一聲『走飲管』
但明白到 好多餐廳都無會無呢個選擇
或者講完都唔記得/唔理你
所以每次都係抱住許願嘅態度
但華嫂呢度，我叫一次，侍應即刻大大聲同水吧講唔要飲管
即便係第二個員工上菜，佢哋都記得唔洗俾飲管我
呢種細心，我俾100分
