Wa So Cafe

來過華嫂冰室幾次，今次試試新意思，點了豬潤牛肉莞茜皮蛋米線！ 整碗麵鋪滿了綠澄澄的莞茜，其實很吸引！雖然我本身不太喜歡莞茜，但莞茜帶來的清新香味卻令整碗麵生色不少。整個配搭很特別，豬潤湯底清透鮮甜，加上爽口的豬潤，嫩滑的牛肉，幸福的味道啊。反而皮蛋味則不算突出。 #traveltobkk

雖然依家華嫂開到周圍都係咁 仲成為咗大陸遊客必食嘅港式餐廳 都無損我對佢嘅喜愛 不過最喜愛嘅，都係元祖店——天水圍店 雖然偏僻到要揸車入去，仲有機會無車位 仲要排隊 而且仲有唔知哪𥚃來嘅陸客坐到成店都係 所以我都係癮起，先知會咁神心入去食 今次完全唔係想評食物 而係想讚侍應們嘅細心 因為我平時好努力去避免用一次性嘅膠飲管 所以叫凍飲前都會講一聲『走飲管』 但明白到 好多餐廳都無會無呢個選擇 或者講完都唔記得/唔理你 所以每次都係抱住許願嘅態度 但華嫂呢度，我叫一次，侍應即刻大大聲同水吧講唔要飲管 即便係第二個員工上菜，佢哋都記得唔洗俾飲管我 呢種細心，我俾100分

自上次自己一個去左觀塘分店，今次同朋友仔一齊到元朗的總舖。等左好耐先到我們入座，大家係入座前要決定食咩先，職員會幫大家落左單先比大家入座。 芝士鹹牛肉蛋治 - 鹹牛肉份量多又香，再加8成熟的蛋同埋芝士，成個口感同味道都好Match！ 茄湯雞翼通粉 - 絶不普通的茄湯，係非常濃郁的湯底，建議大家一開始可以先飲少少湯先。 我推薦大家都試呢份煎魚餅，無碎骨又香口，仲要彈牙tim！ 餐廳的奶又濃又滑，神之作為冰花奶茶！朋友仔平時唔好多好奶茶都話好飲。 最後埋單$130 兩個人，呢個質數的食物一D都唔貴。大家有興趣的記住早D入黎排隊！ #8月活動