No dream is too big, and no dreamer is too small.
-
今日終於試到期待已久既高級新派法日食府，向來
以非凡創意主題帶領潮流美食，以日式食材糅合法式
烹調打造全新口味，令我置身於好似「夢」一般既境界，
呢種顛覆傳統概念，追求源源不絕既驚喜，
正正就係我一直以黎對食野執著！餐廳佔地寬敞，
昏黃燈光令我覺得好放鬆，原來呢到過左10點半之後
會有Shisha Lounge，果然銅鑼灣的確係個不夜城，
一眾夜鬼鍾意食Shisha又有多個選擇啦！👇
-
📌 6 Shades of Flavour - $890/Head
▪ Amuse Bouche
▫ 係西式餐飲方面，無論邊個國家既菜都一樣需要Appetizer
幫你增加食慾，先黎個螺肉，非常清新，
個Sauce調味適中，新鮮仲熱辣辣既牛角包跟住上，
酥脆無比，牛油味亦都好出！
-
▪ Pan Seared Hokkaido Scallop
▫ 賣相「IGable」，7成熟既北海道珍寶帶子輕煎
過後鮮味濃郁，底下係青豆蓉mix左忌廉汁加埋
三文魚籽做點綴，成件事非常豐富，青豆蓉味道清新，
加埋隔離有隻日本小鋼蟹，食落係卜卜脆，
好似咬緊薯片咁！菜式相當新穎又有思！
-
▪ Surprise Dish (1)
▫ Menu上睇到有Surprise Dish既意思原來Chef想
切合返「夢」既主題，將菜式保留神秘感，
享受每位客人收到果份驚喜既滿足感！而第一碟
Surprise Dish以一個龍蝦殼做一個禮盒，
打開就會發現係好多變既Salad，由頂層數落去分別
係紫蘇花、法國黑魚籽醬、日本水蜜桃片，
而中間就係松葉蟹肉，而最底就係日本蛋沙津。
兩旁點綴就係Mango sauce同Rasperry sauce，
整體感覺好新鮮，呢個要大讚！
-
▪ Lobster Tail
▫ 真正既波士頓龍蝦尾而家真正出埸啦！
先用分子料理技術將菠菜汁打成泡沫，再加上芥末籽
Cream Sauce淋上龍蝦尾上面，口感超獨特，
底層仲有個Pepper Sauce由黑椒，青椒同紅椒混合而成，
甜中帶少少辣，龍蝦尾用左慢煮手法，肉質鮮嫩無比，
又多汁，旁邊配上炸過既山葵葉，成個畫面好豐富，
真係好似一幅畫咁，我覺得呢個菜式都係好有Surprise!
-
▪ Surprise Dish (2)
▫ 驚喜又點止一個呢？再黎就係炙燒鮑魚，
以獨家日式昆布高湯做底，鮑魚經過12個鐘慢煮，
質感彈牙爽滑，有咬口同時入味軟腍，
上枱既時侯Staff將鮑魚放係熱石，即時再淋上中式
玫魂露酒，點起火機，搶盡視覺效果，
昆布湯相當清甜濃郁，蘿蔔吸收哂當中精華，
入口即融，鮮甜到不得了！
-
▪ Kagoshima (+198)
▫ 最後一款主食，由日本鹿兒島A4和牛做主角，
以三成熟為目標，睇顏色就知道煮既時間非常到位，
呈嫩紅色，香氣迫人，咬落係好腍身，好嫩滑，
油脂均勻，果種濃而不膩既甘香，真係叫人欲罷不能呀！
就算加多少少錢，絕對值回票價！
-
▪ Coconut Sweet
▫ 最後一道菜當然係甜品，椰子殼經Staff介紹原來
係由朱古力整成，椰子mousse加左椰絲，甜度岩岩好，
伴碟仲有蛋白餅、白朱古力、烤橙皮、Carrot cake
同埋blue berries做點綴，相當吸引！
-
▪ Chocolate Trio
▫ 法式朱古力三重奏究竟係點？分別由brownie、
法式朱古力奶同埋朱古力雪糕配上Hazelnut Buffy，
完完全全開正我個範，今餐整體感覺我係可以用
完美無瑕，驚喜不斷黎形容！Staff serve得好好，
睇到佢地好有心機去做解說，介紹餐廳idea，
質素同價錢絕對成正比例！
