呢間居酒屋好有風味，食物款式多，如果嚟食最好卜定位先，因為都幾滿座👍🏻👍🏻
厚切池魚刺身，刺身新鮮，味道鮮甜～
炙燒左口魚壽司好肥美呀，好重魚油味～
帆立貝蟹膏卷，味道好豐富，卷物上有軟綿既蟹膏醬，再配合了鮮嫩既帆立貝，卷物既內餡就係蟹柳同青瓜絲，幾好食~
煙肉櫻花蝦煎廣島蠔咸咸香香，都唔錯架，廣島蠔上鋪滿大量既煙肉碎同櫻花蝦，夠晒入味，蠔肉嫩滑，味道好惹味！
炸軟殼蟹蟹子沙律好清新，有超多嘅青瓜絲，新鮮爽脆，仲有大大隻嘅軟殼蟹，加埋沙律醬，其實都幾邪惡下
黑蒜黑豚肉卷，燒到有少少焦香，肉味好濃！
泡菜黑豚肉鍋好抵食，有超多嘅豚肉、泡菜同埋芋絲，分量有好多，味道有少少辣，所以會越食越開胃
流心芝士燒年糕，呢個就要等耐少少，年糕幾有口感，入面仲有鹹香嘅芝士🧡
下次同朋友聚會，我會再嚟呢間餐廳
