「讓我放聲高唱，讓最動聽一場。」，
我發現自己既性格好奇特，無論心情好定唔好，
都會忍唔住唱起兩咀。近排武肺當道，全港市民
壓力爆煲，有時真係想走埋去派下膠幫人放鬆下
咁岩同朋友行完尖咀，一早知道有間東京No.1
大熱既拉麵店「麵屋一燈」殺到黎香港，
終於有機會去試一試。呢到環境夠哂寬敞開揚，
一大塊落地玻璃窗比你望住個維景黎歎住食，
呢d咪叫食得招積囉！👇
-
📌味玉 · 秘製醬油拉麵 - $148
👉必定要試既個人推介限定秘製醬油拉麵，
之所以咁出名原因就係黎自於濃郁既湯底。
呢個味道唔會甜中帶鹹，唔會好割喉，
可以話係成碗拉麵既根本。而每碗拉麵都係
由師傅即叫即煮，而呢碗拉麵有分三個等級，
以普通、味玉、特製分級。我就揀左味玉，
姐係加多左一隻糖心蛋，裡面仲有一塊雞肉叉燒
同埋豚肉叉燒。雞肉食落口感比較煙韌彈牙；
而豚肉比較軟腍入味，整體以呢個價錢
我覺得性價比唔錯。
-
📌特製 · 濃厚魚介沾麵 - $168
👉試左拉麵自然唔少得試埋沾麵啦，餐廳有哂
指示教你，點樣將沾麵既質素發揮到極限。
每次拎起麵條浸落沾汁唔好超過3秒內，
咁樣麵條既質感食起上黎先會保持到有咬口彈性。
如果鍾意濃味少少，可以加少少附上既櫻花蝦辣粉，
湯底會更加惹味。食到最後一定要加埋附上既
魚介清湯，成碗湯飲哂咁先係最滿足啦。
沾汁入面仲有大大粒雞肉丸，調味岩岩好，
質感軟腍，幾好食。
-
📌香酥雞軟骨 - $38
👉可以一試既小食，以日式餐廳黎講，呢個份量
非常均真。每粒都炸得夠乾身，所以食落唔會
油淋淋，呢點要大讚。口感做到索索聲，
唔洗幾分鐘就清哂，認真抵食。
-
📌叉燒盛合 - $58
👉如果厭雞肉同叉燒唔夠喉既話，仲可以額外
追加一個盛合，會每樣再多兩塊，
大食既朋友唔好錯過呀！
