【鮮入圍煮】
📍旺角登打士街43H號登打士廣場2樓
主打原隻雞煲花膠鍋的「鮮入圍煮」出名多Gimmick，
舊式街市的海鮮檔、扮九龍皇帝塗鴉的石屎牆身、
舊年代的海報，仿似置身於懷舊大排檔。
濃厚原隻雞煲花膠湯 (大 $388；小 $268)
店員會幫手切雞，雞湯煮滾後，
大家二話不説即刻試試個湯頭，
入口有濃稠質感而不太油膩，
雖然無想象中的鮮美滋味，
不過食到黏口膠質感，有唔少花膠仔，
感覺有滿滿的骨膠原，特別養顏。
手切安格斯牛肉 $188
擺盤精美，一塊塊曡放碎冰上，
色澤紅潤新鮮，油花分佈平均，
短短淥幾下即刻食得，肉質爽滑，肉味濃郁。
西班牙豬腩片 $58
賣相靚仔，肉質柔軟有彈性，豬味香濃。
皇帝菜 $38
沾滿花膠湯更顯鮮甜，帶起湯的鮮味，爽口新鮮。
冰豆腐 $45
好似海綿咁吸盡湯底精華，食落軟綿綿又多汁。
————————————————————————
美味指數：⭐️⭐️⭐️
抵食程度：⭐️⭐️⭐️
回頭率：⭐️⭐️⭐️
Iris Tsang
