【班蘭葉印尼美食】
📍銅鑼灣糖街1-5號銅鑼灣商業大廈地下B2舖
燒雞班蘭尖塔飯 $98
燒雞配上印尼烤醬，甜甜地好滋味，
戴上餐廳提供的膠手套 (非常細心💕)，
慢慢撕開你會發現份量出奇地多！
肉質多汁嫩滑，連雞胸部位都燒得岩岩好，
唔會又乾又鞋口，配搭秘制辣味醬汁，帶點刺激感。
班蘭尖塔飯造型吸睛，有淡淡既班蘭香味，
亦中和到醬汁的辛辣感。
印尼花膠湯班蘭雞粉皮 $78
有啲意想不到印尼都會有花膠湯😯
而且做得相當不錯👍🏻
先飲一啖湯底，花膠味濃而稠密(超級有驚喜🤩)，
味道天然無乜味精，用上真材實料，杞子、蟲草花等。
班蘭雞咁岩食到雞脾部位，
雞皮黃而薄身，肉質鮮嫩；
粉皮偏闊身，皮薄嫩滑，同花膠湯好夾。
鴨胸串燒 (3串) $58
店員熱情推介鴨胸串燒，
因為新推出，所以仲未加上Menu，
又係另一樣食完你唔會後悔的小食🤤
炭燒味重，肉質帶有彈性，多汁嫩滑，
風味濃郁，配埋沙嗲醬無得彈。
相比平時食到重咸香煙燻味的鴨胸，呢個更為出色。
————————————————————————
美味指數：⭐️⭐️⭐️⭐️
抵食程度：⭐️⭐️⭐️⭐️
回頭率：⭐️⭐️⭐️⭐️⭐️
Iris Tsang
