鮨勘
由於有商場消費卷，即使要排長龍，也特意到訪。
這家店也是日本過江龍，在日本築地那兒見過。餐廳的陳設和日本的差不多，整體光亮企埋，座位有一定距離，唔會背對背咁焗促。
午飯時段，有午餐選擇。午餐有壽司、丼飯，亦有天婦羅、鰻魚飯和銀鱈魚西京燒等。每款午餐包括主食、前菜和面鼓湯，價錢由$98-$288。
今日試試三色丼$258
前菜是火腿薯茸，薯茸薯味十足，加上火腿，是十分日本的家常味道。
面豉湯湯汁的味道溫和，沒有太濃太鹹，幾適合炎熱的夏日。
三色丼的材料完全蓋過飯面，完完全全是香蔥吞拿魚蓉、海膽和三文魚籽，份量十足。海膽色彩鮮明，十分新鮮！海膽算不上極甜，仍然口感幼滑又creamy, 味道甜美，完全沒有半點腥味。而那吞拿魚腩蓉真滑溜，又鮮又滑，啖啖肉，加埋脹卜卜，又大粒又飽滿的三文魚籽，一咬爆汁，咸香鮮美，拌以滑滑的吞拿魚茸，加埋日本芥辣的辛和豉油的咸味，又鮮又美味！正呀！再加埋鮮甜的海膽，一口試均三種口味，正呀！真滿足！
