堅尼地城睇日落非常出名，趁著今天天色好，出去走走，見證到又紅又大的太陽落山了。
順便去一間氣氛一流的餐廳，享受了一頓美味晚餐。
呢間餐廳嘅流心牛角包好有特色。有兩款口味，冬陰龍蝦汁和法式龍蝦汁。我揀選了法式那款。牛角包切開，龍蝦汁如泉湧出來，味道濃厚。鬆化的牛角蘸著龍蝦汁吃，超正。
燒生蠔熟度控制得剛好，有半生熟的口感。配泰式汁，開胃。
主菜是真空慢煮挪威三文魚配冬陰公燴飯。今日好似以泰國菜為主⋯⋯嘻嘻！
採用慢煮的三文魚，肉質特別滑溜。
燴飯吸盡冬陰公的精華，濕潤，滋味！
要選擇甜品，需要掙扎，樣様都想試。最後決定了官燕椰汁燉蛋白配北海道紅豆。紅豆綿滑，跟燉蛋白好夾。一少撮的官燕，有感食咗變靚咗，哈哈！
提拉米蘇芝味特飲，第一啖入口鹹鹹地，慢慢咖啡香味出了。將面層的奶泡撈勻咖啡，又變得順滑。
