冬天最岩食碗熱辣辣號拉麵，黎咗呢間尖沙咀人龍店-霸嗎拉麵食佢嘅期間限定拉麵。
明太子豚角特濃牛乳味噌拉麵($108)
牛乳味噌湯底用咁北海道4.3牛乳，奶味香濃細滑。湯底仲帶味噌嘅咸香，令個湯底冇咁膩，幾特別。拉麵上面加咗日本福岡明太子，撈埋拉麵一齊食，辣辣哋，味道唔錯。
炙燒豚肉味玉拉麵 ($88)
呢到嘅招牌拉麵，湯底勁濃郁。麵底揀咗硬麵，食起黎有咬口，唔會食食吓d麵稔咗。重點嘅炙燒豚肉，入口即化肥而不膩。
月見明太子香鬆拌飯($38)
生雞蛋黃加上明太子同香鬆飯素，用黎送飯簡直係絕配。
手羽餃子釀明太子 ($45)
雞翼入面釀咗滿滿嘅明太子，皮脆肉嫩得黎，明太子嘅香味融入咗係雞肉入面散發出黎。
。
。
霸嗎拉麵 (金巴利道) (尖沙咀)
尖沙咀金巴利道26號地舖
。
。
