Mandy Leung
之前朋友話莆田個哆頭蟶節優惠都幾抵，唔洗$200就食到兩味哆頭蟶，今日經過荃灣，當然要去朝蟶。 哆頭蟶兩味 $199 可以喺9種煮法入面揀2款，我哋揀咗蒜蓉蒸海蟶同鐵板鹽焗蟶。蟶子貴為餐廳嘅招牌菜的確做得出色，隻隻都肥美飽滿，充滿肉汁，入口鮮甜味美。蒜蓉豉汁蒸嘅做法，蟶子吸收咗蒜香同豉汁嘅味道，食落更加濃味。至於鹽焗就食到蟶子嘅原汁原味，鹽香更加帶出蟶子嘅鮮甜。 福建紅菇海鮮鹵麵(小) $118 海鮮鹵麵有成14款食材，好似蝦、蜆、蟶子同千紅菇等，細size 2-3人分就岩岩好。麵吸收咗湯汁嘅精華，份外鮮甜。 莆田荔枝肉(小) $88 用咗荔枝去整咕嚕肉，食落比一般咕嚕肉多咗份天然嘅香甜，仲有粒粒荔枝肉，酸酸甜甜咁，非常開胃。 芋香鴨(小) $88 滷鴨肉用芋泥包住去炸，外皮酥脆，芋泥軟糯，鴨肉鹹香，係一道巧手嘅心機菜。 傳統海蠣煎(小) $119 用咗大量蠔仔煎嘅蛋餅，蠔鮮蛋香，點少少辣醬食就更加惹味。 莆田百秒黃花魚 $39 黃花魚做緊半價優惠，非常抵食。黃花魚用砂窩上枱，每條都只係用100秒就蒸熟，入口非常鮮甜，仲有淡淡嘅薑蔥香。 。 。 莆田 (荃灣廣場) (荃灣) 荃灣大壩街4-30號荃灣廣場4樓416舖 。 。
