Stormies (Yuen Long)

住在元朗多年，看到近年這個區域發展得越來越好，而當中最大的發展項目可以説是yoho系列了。 因爲這裏的一連串大型商場，令元朗人的購物選擇大大增加，當然用餐選擇也多了很多。 一些本來只能在九龍香港區才能吃到的餐廳，也紛紛進駐了元朗的yoho mall。 相約朋友到元朗吃飯時，要想坐得舒服，我們的首選通常也會是yoho mall，因爲yoho mall餐廳的環境比較好。 這天我們的聚會就定在yoho mall一期的這間西餐廳 - Stormies。 crispy chicken wings雞翼味道比賣相還要出色。 首先雞翼的確炸得十分香脆而又不覺油膩，另外醬汁也是十分惹味。 雞翼有先用辣椒粉腌過，然後再混合蜜糖和墨西哥辣椒一起炸，所以味道就像水牛城雞翼般開胃惹味又香口。 我和朋友也很喜歡吃nachos，所以這份platter就自然而然成爲了我們的最愛。 香濃的牛肉醬加入了少許辣椒和大量的芝士，面頭更有牛油果醬和水牛芝士，味道十分豐富。 放在nachos上一起吃更是滋味無窮，富有層次。 #traveltobkk

早排去左元朗做Facial，所以就約左住係元朗的閨蜜去食Brunch～ 問下地膽有咩餐廳推介，佢就話係Yoho個到有間西餐廳好想試，但一直都見佢Dinner會好Full，所以就試試星期六Lunch Time會唔會有位。 我們一見仲有少量位就衝左入去，職員就帶我們去去張近窗的位置坐低。好鍾意餐廳的樓底好高，加上落地玻璃，真係超級舒服。當時我們見到除了有Brunch外，仲有近排Hit爆的梳乎厘Pancake，所以我們決定只係叫一個Set，再另加一份Pancake開心Share。 每份Brunch Set都會包一份前菜，我們就揀左要脆香雞翼配燒烤醬。D雞翼一份有四隻，而且每隻的Size都唔算細。燒烤汁的味幾濃味，而且整得幾入味。但唯一係雞肉有少少乾，不過整體還算不錯的。 唔知點解個Pancake話要等20分鐘，但佢仲快過個意粉黎⋯⋯ 一份有兩塊的Pancake幾厚身，加埋Honey Butter、雲呢拿雪糕、忌廉及鮮果，睇見已經好吸引。正當我想放少少雪糕上暖暖的Pancake時，發現個雪糕球硬到一個點 (呆)⋯⋯ 所以我只好用鮮果忌廉去配Pancake。 Pancake的質地有空氣感，而且唔會唔熟。雖然蛋味唔夠香，不過係唔洗排成粒鐘先有得食的話，我收貨。 食完無耐，我們的卡邦尼意大利麵就到了！意粉整體的忌廉都幾夠，而且配菜都幾多。 個汁都幾掛汁，蛋黃忌廉汁的味都幾Rich，加埋甜甜地又切得厚身的蜜汁火腿及蘑菇，口感十足！ 每個餐都會包一杯飲品，朋友就加左$10要杯凍朱古力。我就淨叫一柸熱咖啡。 最後，個Brunch仲會包一球雪糕⋯ 同Pancake的雪糕一樣，硬到不得了⋯ 不過係Weekend慢慢食住雪糕，傾下八掛野，都係人生一大樂事。 #2019復活節

2018年的除夕午餐與女朋友去了元朗Yoho mall 的Stormies西餐廳,坐落才知道是買一送一, 多了一份驚喜,😀 點了English Breakfast ,都是典型的組合,腸仔蛋麵包牛油煙肉等，一般一般 Chicken Burger, 份量頗大,cheeze的份量也絕不吝嗇，睇頭十足, 有薯條伴碟，勁滿足 全部套餐都包餐湯及沙律， 另外還有小小的cheesecake甜品， 配咖啡或茶， 這裏的咖啡水準值得一讚，可能生意太好的關係，服務的速度有一點點跟不上，但都是可以接受的。 還有一點，現在午餐時段 buy one get one free， 這兩個餐140元埋單 ，超抵，👍 #2019 新年活動