Pastaholic (Causeway Bay)

當Foodaholic遇上Pastaholic！瘦編最近留意到多左一間連鎖餐廳PASTAHOLIC。顧名思義，「意粉狂熱」當然係主打意粉！但人人都食過意大利麵，到底有什麼特別呢？聽餐廳職員介紹PASTAHOLIC 採用了日式意粉的「生麵」，亦即是日語的「生パスタ」。「生Pasta」由PASTAHOLIC 自家製作而成，有別於一般傳統意粉。「生Pasta」使用小麥粉製作，烹調後的口感與「乾麵」不同，吃起來口感彈牙，會特別軟滑濃厚。🍝 - 一開頭係餐廳門口會有啲混淆，因為餐廳一分為二，一邊是和民，一邊係Pastaholic，原來意粉狂熱係屬於和民旗下。入到去睇Menu見到有幾款2人set，瘦編直接揀左Meat & Fish Holic Set($368)，包好多野食。首先上左半份鮭魚凱撒沙律，同兩款湯分係特濃南瓜粟米忌廉湯同法式芝士洋蔥湯。沙律份量好足，兩款湯味道偏濃。 - 小食五選一，揀左蒜味芝士雞翼配蒜味芥末醬，雞翼肥美大隻，廚房新鮮整起外皮好脆。意粉六揀一，揀左蒜香白酒汁海蜆意粉，意粉真係好彈牙，蜆同蕃茄煮得好淋好入味。主菜四選一，揀左香烤安格斯一口牛柳，用鐵板上菜，牛柳好嫩，即熟即食！最後有細細件嘅Tiramisu，作為美好的完結。🍰 - 味道評分▶️🌕🌕🌕🌕🌑 (4) 抵食評分▶️️🌕🌕🌕🌕🌗 (4.5) 回購評分▶️️️🌕🌕🌕🌕🌑 (4) - IG: cassiecwy/ cassiegetfat

同朋友去銅鑼灣行街，原來皇室堡有一間西餐店，位置唔顯眼，平時行街都唔多覺，今晚一於同朋友試試佢☺️☺️☺️ 我哋揀咗2人餐，2人餐都有三款選擇，我哋揀咗$318套餐👍🏻有湯，沙律，前茶，薄餅同意粉，甜品同飲品，都幾豐富👍🏻👍🏻 朋友叫咗南瓜湯，聞落都幾香，而我叫咗洋蔥湯，非常足料，而且有一塊芝士多士可以索住洋蔥湯黎飲 沙律係雞肉沙律，加上沙律醬，好開胃呢 小食要左蜜糖雞翼，煎得啱啱好，雞肉甜甜地都幾嫩滑，我哋都叫多咗個魷魚圈，外表金黃，炸粉都幾薄，魷魚彈牙幾有口感！ Pizza揀左Parma ham味，幾好味呀，批底唔算厚，上面鋪左Parma ham，食落帶點咸香又有芝士同茄汁味👍🏻👍🏻 意粉就揀左溫泉蛋蘑菇意粉，蘑菇嘅份量好多，溫泉蛋幾流心架，即刻趁熱撈勻啲意粉，味道岩岩好，但如果有少少醬汁就好，因為食到尾就有小小乾 最後仲有少少朱古力蛋糕做甜品～

成日去開皇室堡睇戲都好少會留意到餐廳或食肆， 今次有幸一嚐以歐陸風格主題既「意粉狂熱」。 招牌意粉就當然係主角啦！餐廳用既係日式意粉， 姐係「生麵」。由自家小麥粉製成，口感上有別 於一般傳統意粉。餐廳格房寬敞，餐廳裡既傢俱 都帶有木系元素，利用酒樽設計成玻璃吊燈， 別具特色。的確睇到每個細節都有落過心思！👇 - 📌Pasta & Pizza Holic Set - $318/For 2 ▪ 特濃南瓜栗米忌廉湯 ▪ 法式芝士洋蔥湯 ▪ 香草雞肉凱撒沙律(半份) ▫ 呢到既價錢都係大玩親民，非常貼地， 就好似我呢晚揀既二人餐，分別有成九個items咁多！ Pasta同Pizza仲有好多口味比你揀，我就覺得幾抵食。 餐廳落單係好方便，只需要掃下個code就搞掂。 我同朋友先試左兩款湯同埋沙律，洋蔥湯裡面放左 好多半溶芝士，包心吸收哂湯汁，特別滋味。 沙律份量幾多，味道清新，唔錯！ - ▪ 香烤雞翼配檸檬蜜糖(4隻) ▫ 本來糾結係炸雞同烤雞之間，最後揀左烤雞， 不過無失望。肉質嫩滑又夠多汁， 質素比想像中好食，蜜糖亦好夠味，唔會太甜。 - ▪ 芝士煙肉帶子忌廉意粉 ▫ 忌廉汁非常惹味，配搭芝士簡直係最好不過， 帶子幾有鮮味。麵條粗幼均勻，唔會好飽滯。 - ▪ 黃金四重芝士披薩(配蜜糖) ▫ 兩人套餐果然夠哂份量，連Pizza Size比我 想像中大，味道相當惹味，芝士香味濃郁， 新鮮滾熱辣，一拉出黎就起哂絲。餅皮薄身 又夠脆口，果然Pizza同Pasta都有返咁上下水準呀！ - ▪ 意大利芝士餅(Daily Dessert For 2) ▪ 日本牛乳布甸 - $18 ▫ 最後是日甜品係Tirumisu，額外點左兩杯 日本牛乳布甸，質感相當嫩滑，清甜奶味。 整體環境坐得舒服，食物水準唔錯，食得過！