胡爐 Wulu Hotpot, Tsim Sha Tsui

今次試胡爐其一招牌鍋 - 冬瓜花膠雞翅爐！個湯底清得黎又有雞湯嘅香味，唔算好油，大推👍🏼 手切牛頸脊好濃牛味，又係必試呀！ 胡爐裝修好中式，坐得都好舒服，朋友聚會都係不錯嘅選擇。 #9月活動

今日同朋友去尖沙咀行街，顺便過去厚福街H8揾野食，落雨濕濕悶悶哋，想搵啲辣嘅嘢食，刺激下味蕾，立即上openrice揾到胡爐火煱，食物嘅相片同埋中國風嘅裝修。 四格鍋$198 四川麻辣，芫茜皮蛋，秘製沙爹番茄薯仔牛腩，四式湯底，一次過滿足多心嘅我。 極上手切肥牛(小)$298 牛肉味濃有咬口，烚幾秒就食得。 Xo 鮑魚蝦餃皇$98 皮薄餡靚,真材實料 ,食到粒粒鮑魚。 薑汁豬肉丸$78 豬肉丸入面有辣味薑汁，味道好夾，食時小心爆汁。 手打蝦滑$98 用鮮蝦手打而成，十分爽彈。 自家製響鈴$68 即叫即炸，香脆而不油膩。 稻庭烏冬$38 放落沙嗲湯底淥，好惹味。

胡爐不論用具、食材、服務定環境相當細緻，絕對『銅手無欺』，裝飾以木配合中式擺設為主，古色古香相當別緻，播放輕鬆音樂。侍應服務細心，坐底已經送上餐巾鋪袋上防止湯彈到，再推介火鍋配料。 冬瓜花膠雞翅鍋 $368 有雞、魚翅、花膠、冬瓜等材料外，還有湯底用元貝、金華火腿材料熬製而成，湯底鮮甜濃郁，無添加無味精。湯癮起，忍不住每人喝一大碗濃郁雞湯。花膠雞翅鍋相當足料！湯底甜；雞件滑；花膠厚；魚翅靚。如果唔係侍應話留返少少雞湯打邊爐，我一定清曬湯！ 自家製炸魚皮 $68 魚皮使用每日新鮮白鱔皮即叫即炸，熱辣辣上枱，咬落酥脆，必食之選！ *第一啖唔點湯，要試下熱辣辣魚皮酥脆口感 自家製炸響鈴 $68 打邊爐不能缺少響鈴，亦係即叫即炸。比市面上響鈴酥脆，吸湯能力強，建議滾2秒保持內裏酥脆效果 西班牙黑毛豬豚肉 $148 豚肉一望就知新鮮，肉質帶鮮紅有油花而且脂肪同肉平均，食落肉質厚、嫩滑、重肉味，我已經分不清係銅鍋功勞定係西班牙專門出豚肉！ 黑松露蟹肉餃 $108 鮮蝦帶子水餃 $108 **水餃和丸類雙拼加$10 水餃皮薄足料，餡料新鮮 蔬菜拼盤 （大）$88 大大盤新鮮蔬菜，有菜心、西洋菜、生菜同油麥菜，我相信一大盤蔬菜足夠6人食 燕窩椰汁糕（送） 椰汁糕舖上燕窩，用料名貴，椰汁糕甜度剛好