長坂燒

想在旺角吃好少少的日本菜，朋友推薦來長阪燒。一入去，已經覺得充滿日式風味！吧檯前放滿不同的新鮮海鮮籃，師傅在面前即整壽司和燒海鮮，門口位置又擺放了自家釀梅酒桶及生蠔盤，置身其中有點像去到日本居酒屋！ 餐廳每日都有幾款日本直送的海鮮，秋刀魚在秋天最為肥美，當然要把握秋天的尾巴，就點了店員推薦的秋刀魚刺身($240)。有些人可能會嫌秋刀魚較為腥，但我卻獨愛秋刀魚的魚味，一小口已經令人齒頰留香，可惜秋刀魚不算大條，有點不夠喉的感覺。 點了北海道松葉蟹蓋($68)，上桌後才發現原來是甲羅燒！蟹膏燒後味道香滑鮮味，如果加蟹子口感會更豐富呢！ 最後點一客牛肉烏冬($78)填飽肚子。烏冬很有驚喜，口感滑溜又彈牙，而且非常掛湯，盡吸湯底的鮮味。牛肉份量很多，而且牛肉脂肪比例剛好，不會太肥或太瘦。烏冬上還有粟米和腐皮條，味道毫不單調。

打風最好睇戲，約了友人在旺角。離睇戲前還有些少時間，一於食番個快速晚飯。友人對旺角非常熟識，帶我去了一間樓上日式料理店，裝潢設計日本風，坐位寛敞好舒適。 點了一個銀鱈魚西京燒便當，賣相好靚。有刺身，沙律，漬物，飯和銀鱈魚。 刺身是三文魚和帆立貝。三文魚肥美有口感。帆立貝鮮嫰。 簡簡單單的沙律，非常醒胃。 漬物有點似東坡肉，醃製味道濃郁，但肉質稍為實了一點。 白飯配了一隻溫泉蛋，增添濕潤感覺。 西京燒的銀鱈魚非常惹味，甜甜的，啖啖肉。 小吃點了一款松葉蟹膏多士。多士好酥脆。蟹膏味道濃郁甘香，配多士減輕膩感。 快速的一個晚餐後，剛好配合開埸時候了。