ULURU

#cassiegowanchai - 今年因為疫情無得去旅行，留係香港除左去staycation之外，瘦編都會同下朋友high tea解下悶。除左去酒店下午茶，灣仔嘅「ULURU Cuisine」都係一個唔錯嘅選擇，純白歐陸風格嘅餐廳，牆上畫滿黑白色嘅手繪，就好似置身童話繪本世界一樣，當中嘅櫥櫃、書櫃、梳妝台等，配合真實嘅純白色傢俱，打卡一流！ - ULURU 嘅High Tea Set (彩花之里．溫室下午茶)，份量都幾夠，鹹點及甜點都有齊，價錢只需要$338 兩位，掂過酒店好多。每件食物造型都好精緻，仲有片片玫瑰花瓣裝飾，好豪華。瘦編同朋友都無食午餐，但依個下午茶set已經完成足夠兩個女生吃到飽飽，本身仲諗過另外叫少少小食，好彩無叫到，飽到晚餐都唔係好食到，哈哈！ - 除左好多件精緻嘅鹹點甜點，仲有個好靚嘅玻璃迷你朱古力糖果溫室，裡面係朱古力脆脆及朱古力慕絲，享受兩種朱古力不同的甜度和口感。飲品方面包兩杯特飲，可以選擇花茶或咖啡。我地揀左兩杯花茶，造型好漂亮，打卡一流。第一杯係Rose Tea，混合左士多啤梨同Rosemary 草香嘅花茶，味道香甜。第二杯係Lavender Dream，薰衣草花香混入荔枝味花茶。 - 味道評分▶️🌕🌕🌕🌕🌑 (4) 抵食評分▶️🌕🌕🌕🌕🌑 (4) 回購評分▶️🌕🌕🌕🌕🌑 (4) - ➡️ ULURU (灣仔) 📍 灣仔春園街1-11號春暉大廈1樓 - IG: @cassiecwy/ @cassiegetfat FB: @cassiegotravel OP: cuisine_revolution

「個個犯罪，誰會沒罪…誰壞到要死？」 本來人生就係一個十字路口，因為呢個 世界根本無絕對既黑同白，因為物質、 利益、慾望蒙蔽理智、思維、自我， 從此衍生灰色地帶。自此社會上充斥 住爾虞我詐，到底點樣脫離呢種困境？ 我唔知，但至少係「U L U R U」只有 黑白主題既世界，或者我可以諗得 簡單d，睇得通透d！👇 - 📌Uluru · Afternoon Tea - $338/Two - ♦️S a v o r i e s - ▪ Katsu · Shrimp - ▪ Deep Fried · Thai Fish Cake - ▫ 先黎兩款熱食打頭陣，分別試左 「泰式·炸魚蛋」、「吉列·炸蝦」， 兩者炸得夠香脆，唔會話太油膩； 炸魚蛋食落夠爽口，幾鍾意呢道既鹹點。 - ♦️S w e e t s - ▪ M a c a r o n - ▪ Mocha · Cake - ▫ 輪到甜點開始，由「馬 卡 龍」帶領 我地出發，呢個質感夠鬆脆，甜度適中， 圓碌碌既身型，幾靚仔；而「摩卡·蛋糕」 香味濃郁，入口散發住咖啡般既氣息。 - ▪ Yuzu · Cake - ▪ Blueberry · Yogurt Cake - ▫ 之後係小清新系列既「柚子·蛋糕」、 「藍莓·乳酪蛋糕」，前者一入口柚子味 幾豐富，明顯食得出；而後者藍莓味 道夠哂fresh，質感非常鬆軟，內裡 亦夠濕潤，女士們一定鍾意！ - ▪ Uluru Truffle · Chocolate - ▪ Mini Rose · Panna Cotta - ▫ 招牌自家製「Uluru·朱古力」入口 即化絕對唔係講笑，加上濃郁松露香， 口感更加幼滑甘香；而「迷你·玫瑰 奶凍」以滑溜誘人既姿態出埸，一身 散發住淡淡既玫瑰香，入口幾清甜。 - ▪ Mini · Croissant - ▪ Mini Chocolate · Greenhouse - ▫ 女神們必備打卡既「迷你·朱古力溫室」， 將Brownie當係盆栽咁種植係玻璃球裡面， 根本係藝術品黎。食到明顯既餅碎， 加上濃濃既朱古力味，睇得又食得； 最後一個甜品「朱古力·牛角包」結合 酥皮同朱古力既結晶品，每一啖入口 都相當鬆軟，仲保持到熱度，好好食。 - ♦️D r i n k - ▪ Tiramisu · Coffee - ▪ ULURU · Rose Tea - ▫ 兩杯足以你令爆發少女心既特飲「Rose · Tea」同埋「Tiramisu · Coffee」，要大讚既 係Rose Tea賣相帶出高貴既格調；飲落 有淡淡既玫瑰清新香味，又唔會得果種 死甜，解膩一流；而Tiramisu Coffee本身 既咖啡味無蓋過朱古力既甜度， 反而加強整個感覺，可以一試。 - 📎 U L U R U 📍灣仔春園街1-11號春暉大廈1樓

「怎麼冷酷卻仍然美麗，得不到的從來矜貴。」 從來都避唔開要失去先識得珍惜呢個人生道理， 人愈大就會想將所有野變得更完美。好似呢間人氣 大熱既打卡聖地「Uluru」以黑白風格突破傳統框框， 將每一個角落、壁畫、窗檯、傢俱都變得與眾不同。 尤其是佢地以獨特手繪打造獨一無二既黑白世界， 呢種無論食物同佈設都落足諗頭，絕對係值得大讚既！👇 - 📌Uluru Afternoon Tea - $338/Two 👉期待已久既「彩花之里 · 溫室下午茶」， 亦都係一眾女神打卡既熱門地，咁流行Tea Set既 原因，不外乎每件食物既精緻造型、象徵住優美同 幸福既感覺，亦都相機食先既恩物！ - 🔷Savories - ▪ Katsu Shrimp ▪ Deep Fried Thai Fish Cake ▫ 由兩款即叫即製既鹹點打頭陣，包括 「泰式炸魚蛋」、「吉列炸蝦」香脆惹味， 魚蛋有質感，咬落彈牙爽口；炸蝦炸漿薄脆， 入口油而不膩，唔錯。 - 🔷Pastry Chef’s Special Sweets - ▪ Macaron ▪ Yuzu Cake ▫ 甜點由甜點師每日精選推介，兩隻口味既 「馬卡龍」Size袖珍，但甜度比我想像中唔會 太甜，外層微脆，口感唔錯；「柚子蛋糕」 質感好似海棉咁鬆軟，口感輕盈，柚子味道 少少微甜，幾好食。 - ▪ Lamington ▪ Uluru Mocha ▫ 不得不讚既係呢到竟然會有「林明頓蛋糕」， 外層其實係由朱古力組成，口感細滑微甜， 咬落好似海綿蛋糕，鬆軟無比；「Uluru 摩卡蛋糕」 口感比較結實，顏色均勻分明，帶朱古力口味 亦都係我既至愛呀！ - ▪ Blueberry Yogurt ▪ Mini Apple Crumble ▫ 兩款帶酸酸甜甜既「藍莓乳酪蛋糕」、 「迷你蘋果金寶」，前者睇落有少少似Mousse， 食落其實芝士味比較重，質感香濃奶滑，莓味算幾濃郁； 後者口感香軟，酸甜味比較重，真係食到啖啖蘋果肉， 但甜得黎又唔會好"漏"，我幾鍾意。 - ▪ Truffle Chocolate ▪ Mini Chocolate Candy Greenhouse ▫ 其實「松露朱古力」並唔係真係有松露味， 其實佢係分開內外層，出面係朱古力，裡面就係 鮮奶油搓成既朱古力粉，可以食落會更加軟腍濃郁， 對我呢d朱古力控黎講，絕對係好食都食唔到口！ 而另外呢款「迷你朱古力糖果溫室」一定要重點推介， 賣相精緻之餘，仲相當好食。由朱古力粉加埋朱古力 Mousse形成，再裝係個好靚既魔幻球入面，好似真係 一個溫室咁，再加埋朵玫瑰花，配上半融得黎又咁 香濃幼滑既朱古力，真係叫人欲罷不能呀！ - 🔷Drink - ▪ Uluru Rose Tea ▪ Lavender Dream ▫ Tea Set當然點少得女神專屬既野飲呀！ Uluru Rose Tea以士多啤梨；迷迭香、食用花製成既 花茶，簡約花香，感覺清新；Lavender Dream混入荔枝， 將夏日清甜感覺帶出，配上薰衣草糖漿配合英式早餐茶 茶底，令人係鬧市中有種寧靜既時光。