Retty
Seafood, Chinese
無期望就無希望 話說同個朋友去左半月灣曬太陽，出返黎朋友想食海鮮，為左唔想做水魚比人劏，所以叫二人套餐就算。 二人餐每位$298有四款自選海鮮，加碟菜同甜品，感覺還好。 前菜有花生，我都食左好多。 為了驚唔夠飽，跟餐要了份特濃芝士焗龍蝦(伊麵底)。芝士汁都算幾香，而且幾好掛麵。龍蝦肉都幾大舊。 伊麵入口尚算良好，雖然唔係我鍾意的偏硬口感，但未算太淋身。 蒜蓉粉絲蒸扇貝的扇貝唔係痴住個殻，粉絲的量亦唔太多。 香蒜椒鹽墨魚真心麻麻地，佢個粉漿雖然唔算太厚，但基本的熱辣辣脆卜卜都唔多做到，係失望的。 清蒸海上鮮啫係蒸魚，平時唔多食蒸魚的我，都自動夾黎食。骨唔算多，加上魚肉滑溜，整體都幾好。 朋友叫咗一份避風塘炒蟹(兩隻)。螃蟹係餐廳門口旁斷磅秤，加埋二人份的加工錢，呢碟野要二百幾蚊，而且蟹肉唔算多，其實都幾貴下，好彩個蟹炒得都幾香。 二人餐仲包左一碟菜，質素中規中矩。 最後，叫職員幫手安排糖水。今日的糖水是紅豆莎。煲得比預期好，有果皮香，而且都算煲到沙沙地
good seafood in Sai Kung area มันดีทีสุดของย่านหมู่บ้านชาวประมงของฮ่องกง เราต้องนั่งรถเมล์ออกมาจากเมืองเพืี่อมากินอาหารทะเลสดใหม่ของที่นี่ ข้าวต้มหอยเป๋าฮื้อ ราคาไม่แพง ตรงนี้เป็นท่าเรือไปเทึ่ยวเกาะสวยๆด้วย
龍蝦鮑魚套餐，明碼實價寫明每位$274，免加一茶芥，經輕度格價後，比較左多間都有郊外油菜同生果/糖水 送，呢間仲多左秘制鹽水雞腳，最正係用「銀聯」unionpay，可減$100，都幾抵。 特濃芝士焗龍蝦伊麵，芝士稀稠適中，唔會好膩，伊麵可以掛滿醬汁，好濃好香好滑。龍蝦味唔太重，勝在厚肉肥美，而且幾大隻幾抵食。 椒鹽瀨尿蝦，我第二次食，原來大隻係好味好多，難得呢度用大隻的瀨尿蝦，所以更多肉更有口感，微彈嫩滑，仲好甜。 薑蔥炒蟹，用兩大隻肥美大蟹，仲要用肉蟹，啖啖肉之餘，仲好鮮甜蟹味濃，而且蟹肉滑溜，蟹鉗肉厚。薑蔥爆得夠香，越食越惹味，又唔會蓋過蟹鮮味。 古法椒鹽鮑魚，每人一隻好睇又好分，賣相的確好吸晴。味道其實一般，鮑魚微彈易咬，口感方面係幾好，但椒鹽蓋過鮑魚味，而且外層偏硬。用清蒸可能更鮮味。 白灼海中蝦超大隻，份量也足夠，肉質鮮甜爽彈，蝦味突出，唔使豉油，直接食更重蝦味，好新鮮。 白灼海螺肉厚肥大，彈牙有嚼勁，一點腥味也沒有，味道好好，加上海鮮醬更滋味。 豉椒炒蜆唔夠熱，鑊氣也不夠，豉椒味雖濃但也過咸，蜆肉同樣太瘦且有點沙，味道麻麻。 秘制鹽水雞腳好腍滑有膠質，入口不用力已食到雞腳肉，筋位都好好咬，沾少少沙薑，味道更惹味。 送郊外油菜只有上湯白菜仔/西生菜，我地揀白菜仔都脆綠吸引，新鮮冇爛葉，有上湯餵過夠味道又唔太咸。 糖水係紅豆沙，微甜多豆帶點陳皮香，雖然唔太起沙，但送既當然收貨。
