Retty
อาหารญี่ปุ่น, ซูชิ
朋友想食日本野，又想坐得舒服啲，我哋就揀咗位於尖沙咀嘅花木，覺得呢度幾好環境都幾舒服，食材都幾新鮮！ . 前菜叫左胡麻菠菜油揚沙律，菠菜沙律好好食，菠菜沙律爽口， 豆皮就比較淋身，再加上開胃嘅胡麻醬，都唔錯㗎 . 香蔥吞拿魚腩蓉薄脆，吞拿魚腩蓉充滿魚油香，拌勻香蔥絲，令味道豐富啲，魚蓉份量都幾多，唔洗就住食～將吞拿魚腩蓉放上薄脆上一齊食，軟滑嘅魚蓉再加上脆卜卜嘅米餅，都幾特別～ . 築地壽司8本 分別有池魚、拖羅、帆立貝、三文魚籽、牡丹蝦、玉子、三文魚等等，壽司擺盆好精美，我食咗其中幾件，牡丹蝦口感軟糯爽口，三文魚籽咸咸香香，帆立貝肥美鮮甜，拖羅都好肥美呢！ . 清酒煮大蜆， 大蜆散發住清酒味，粒粒乾淨冇晒又彈牙 . 自家製免治雞肉串好好味，雞肉燒到香噴噴，幾有咬口，可以點埋雞蛋😆😆 . 和風野菜炒麵炒得好香，炒麵汁幾濃郁，又唔會過鹹，麵條彈口，雖然得野菜，但係野菜款式都幾多，所以都幾好食 . 沖繩豚肉炒苦瓜，豬肉片幾嫩，但對我來講苦瓜就有啲苦，但朋友覺得幾好😆😆 . 呢餐同朋友食得幾開心，可以慢慢傾計，侍應都好好服務，會主動幫我哋添水
「思念變成海，在窗外進不來。」彷彿行左入花海 裡面既仙境一樣 · 高級日式居酒屋「花木日本料理」。 佔地寬敞，環繞四周都插滿櫻花、木器傢俬， 將花、木兩字靈活咁表現到出黎。餐廳更設有 獨立包廂，夠哂舒適寧靜，方便客人無論係生意 應酬定係一班人圍威喂都絕對適合。刺身吧師傅 就係正餐廳正中間，睇住幾個師傅夠哂氣派既台型， 俘虜唔少少女心呀！👇 - 📌花木 · 梅二人前 - $1288 ♦先付 - ▪ 酒盜芝士 ▪ 鮟鱇魚肝 ▪ 日本澤蟹 ▫ 先黎一個三食日式前菜，軟綿濃滑既北海道 芝士粒配上鹹鮮既魚腩邊膜，惹味感簡直一絕； 魚肝經蒸發水份後，質感幼嫩，味道甘醇， 入口有種油潤感亦無魚腥味，唔錯；再黎就係用上 日本軟殼蟹仔新鮮即炸，入口一啖過，爽脆鮮甜， 口感一流。 - ♦沙律 - ▪ 黃菊菠菜油揚沙律 ▫ 用上菠菜配搭炸腐皮同黃菊既組合，幾有新鮮感。 拌埋芝麻醬一齊食，層次豐富，食落味道帶清甜為主， 幾好食。 - ♦刺身 - ▪ 平政魚 ▪ 中拖羅 ▪ 牡丹蝦 ▪ 深海池魚薄切 ▫ 刺身質素頗高，中拖羅厚切肥美，色澤亮麗帶粉嫩， 魚油入口即融，咬落無筋，相當好味；鰤魚色澤透紅， 肉質軟腍，入口柔軟甘甜；牡丹蝦比我想像中最有驚喜， 肉質爽彈結實，果種鮮甜味難以用文墨形容呀； 深海池魚咬落爽口彈牙，整體食完真係返唔到轉頭。 - ♦燒物 - 串燒盛合 ▪ 雞翼 ▪ 雞肝 ▪ 大蔥 ▪ 鵪鶉蛋 ▪ 黑豚肉 ▪ 牛肉露荀卷 ▫ 食完刺身，開始提升味蕾既層次啦，呢個串燒盛合 由大廚精心設計。六款特色燒物都經過醬汁調味， 比較食到既雞肝同鵪鶉蛋都好惹味。大蒜及蘆筍卷 亦唔會燒得太乾身岩岩好，食得過！ - ♦炸物 - ▪ 沖繩一口雞 ▫ 炸雞亦都好夠誠意，炸漿唔會太厚，咬落非常薄脆， 肉汁飽滿。表面加上惹味既調味粉，另外伴上沙律醬 同檸檬汁，減低入口既油膩感，非常好食。 - ♦和食 - ▪ 蒜香安格斯肉眼 ▫ 輪到熱食既第一主角出埸，肉質彈性十足， 入口香嫩又多汁。第一啖擺入口已經深深融化我個胃， 脂肪分佈亦好好平均，油香四濺，口感豐富。 牛肉味係非常濃厚，配抬埋炸蒜片一齊食， 絕對係明智之選。 - ♦麵食 - ▪ 綠茶冷麵 ▫ 綠茶味既蕎麥麵放係碎冰上，除左低溫保持 爽口彈牙既質感外，仲可以避免麵條與麵條間既磨擦。 另外配上鵪鶉蛋比你撈埋一齊後，再放入冷麵汁逐煮食， 味道清新又開胃。 - ♦甘味 - 精選甜品 ▪ 水信玄餅 ▪ 木瓜奶凍 ▪ 白玉丸子 ▫ 最後既甜品賣相非常精緻，白玉丸子面頭蓋住 一個細盒仔，裡面裝滿哂綿綿既紅豆蓉；水估玄餅 睇落真係成個水晶球咁，配埋黑蜜糖漿，滋潤香甜； 木瓜奶凍正正就有解膩既效果，呢個2人奢華Set 絕對係一試難忘！
再次來到位於天文台道的日式料理店花木 裝修不變 待應的衣服也變得更加好看 而且餐廳內也更加完善了 這裡的空間很寬敞 很適合一班朋友來到聚餐 先來點開胃茶 來點炸物就最好了 在吧台前有放著一杠小小的魚杠入面有些小蟹 問過待應 這些蟹是即點即炸的 這麼新鮮當然要來一份啦 這種蟹名為澤蟹 炸完出來後連殼也炸得酥脆 整個殼也可以吃掉 很香口 燒活帆立貝 活燒物最好就是可以自己控制火侯 在燒的過程中可以自己加入堅魚高湯 令到整個帆立貝的味道更加特出 煮得剛剛好的帆立貝真的鮮甜無比 最後我們還把貝殼中剛剛一起煮的堅魚高湯都喝完 梅酒煮茄子 酸酸甜甜的茄子還是第一次試到 這道菜不像平時的茄子一樣很油膩 而是十分清爽 但是又不失茄子的綿密口感 聽待應說這道菜是用了紀州梅還有梅酒去煮 可以吃得到很強烈的梅酸甜味 喜歡嚐鮮的可以試一下 鹽燒新鮮海魚 不記得這條魚的名字 但是這魚十分鮮美 而且是慢火燒 可能是用鹽包著燒所以肉汁不失 又不會太過咸 而且沒有很多細骨 不喜歡吃魚的人也可以放心吃 加上在旁邊的醬汁和檸檬可以令到整個魚肉的味道更加好吃
